ដឹ ខ័រ ត្រូវបានបង្កើតឡើងដើម្បីក្លាយជាការិយាល័យមេធាវីដ៏ឆ្នើម សម្រាប់ចូលរួមលើកស្ទួយការគោរពសិទ្ធិរបស់ប្រជាជន ការពារសិទ្ធិស្របច្បាប់របស់ពាណិជ្ជករនិង/ឬភ្នាក់ងារសេដ្ឋកិច្ច ក៏ដូចជាការគាំពារគ្រួសារ ទុកជាប្រយោជន៍ដល់ការអភិវឌ្ឍវប្បធម៌នីតិរដ្ឋ និងការអភិវឌ្ឍដោយចីរភាពនៅកម្ពុជា។

ដើម្បីសម្រេចបាននូវចក្ខុវិស័យខាងលើ, ដឹ ខ័រ បានដាក់ចេញនូវបេសកកម្មសំខាន់ៗដូចខាងក្រោម៖

• ជួយស្វែងរកដោះស្រាយចំពោះក្តីបារម្ភ និងកង្វល់នានា ព្រមទាំងសំណូមពររបស់អតិថិជន ក្នុងការងាររឿងរដ្ឋប្បវេណី ការអនុវត្តកិច្ចសន្យា ការទាមទារទ្រព្យសម្បត្តិ និងការគ្រប់គ្រងបែងចែកការទទួលខុសត្រូវ និងទ្រព្យសម្បត្តិក្នុងគ្រួសារ
• ជួយស្វែងរកការពិត និង/ឬ យុត្តិធម៌តាមរយៈការអនុវត្តច្បាប់ និងនីតិវីធីជាធរមាន

ដើម្បីសម្រេចបានចក្ខុវិស័យ និងបេសកកម្មខាងលើ, ការិយាល័យមេធាវី ដឹ ខ័រ បានដាក់ចេញនូវគុណតម្លៃជាមូលដ្ឋានគ្រឹះសំខាន់ជាត្រីវិស័យសម្រាប់តម្រង់ទិសការអនុវត្តកិច្ចការប្រចាំថ្ងៃរបស់ខ្លួន ដូចខាងក្រោម៖

• ប្រកាន់ខ្ជាប់នូវសុចរិតភាព និងភាពស្មោះត្រង់ស្របតាមគោលការណ៍វិជ្ជាជីវៈ
• ការឱ្យតម្លៃជាទិភាពចំពោះផលប្រយោជន៍របស់អតិថិជន និង/ឬ កូនក្តី
• មានសុជីវធម៌ និងគុណធម៌ខ្ពស់ ដោយឈរលើគោលការណ៍សហការជាមួយអតិថិជន និងគ្រប់ដៃគូ
• ពូកែឆ្នើម ក្នុងកិច្ចការផ្តល់សេវាជាប្រយោជន៍ដល់អតិថិជន និងសង្គម

ដើម្បីទ្រទ្រង់គុណតម្លៃទាំង ០៤ ខាងលើ, ការិយាល័យមេធាវី ដឹ ខ័រ បានដាក់ចេញនូវគោលការណ៍គ្រឹះ ចំនួន ០៦ រួមមាន៖

• គោលការណ៍សីលធម៌វិជ្ជាជីវៈមេធាវី
• ឧស្សាហ៍ព្យាយាម ស្រាវជ្រាវ រៀនសូត្រជាប្រចាំ
• ប្រកាន់ខ្ជាប់នូវគោលការណ៍សកម្ម ក្នុងការដោះស្រាយ និងឆ្លើយតបសំណូមពររបស់អតិថិជន
• គោលការណ៍នៃការគោរពគ្នាទៅវិញទៅមក
• គោលការណ៍នវានុវត្តន៍ក្នុងការកែឆ្នៃបង្កើតដំណោះស្រាយ និងយុទ្ធសាស្ត្រផ្សេងៗ
• គោលការណ៍ចូលរួមលើកកម្ពស់ការទទួលខុសត្រូវរបស់សង្គម